Sajhakura Dainik - नयाँ बर्षमा रिलिज फिल्मको ओपनिङ सुखद्
तपाई, हामी, सवैकोकुरा, राष्ट्रिय दैनिक साझाकुरा
मनोरञ्जन

नयाँ बर्षमा रिलिज फिल्मको ओपनिङ सुखद्


मनोरञ्जन 1 पटक पढिएको




नयाँ बर्ष २०७४ को छेकोमा प्रदर्शनमा आएका तीन नेपाली फिल्मको ओपनिङ सुखद् देखिएको छ ।सिंगल स्क्रीनका बादशाहको उपमा पाएका अभिनेता निखिल उप्रेतीको फिल्म ‘राधे’ले बम्पर ओपनिङ गरेको छ ।
राजधानीसहित देशैभरका अधिकांश सिंगल स्क्रीनमा ‘राधे’ हाउसफूल छ । राजधानीको गोपीकृष्ण हलमा मात्रै यो फिल्मको तीन पर्दा हाउसफूलपछि अर्को पर्दाको समेत माग बढेको बताइएको छ । अष्टनारायण, गुणमा पनि दर्शकको चाप उस्तै छ ।
यस्तै, प्रदर्शनमा आएका मल्टिप्लेक्स लक्षित दुई फिल्म ‘लभ लभ लभ’ र ‘घामपानी’ले पनि आशातित ओपनिङ गरेका छन् । शुक्रबार दुबै फिल्मलाई अधिकांश दर्शकले मन पराएका छन् । तर राजधानीका मल्टिप्लेक्समा दयाहाङ राई र केकी अधिकारीको ‘घामपानी’ भन्दा दिपेन्द्र के खनाल निर्देशित ‘लभ लभ लभ’ विजनेस केहि माथि पाइएको छ ।
निर्देशक खनालले सिभिल मल, लाविङ मल, बिग सिनेमा, जय नेपालका अधिकांश दिवा शोहरु हाउसफूल भएको जानकारी दिए । प्रेस शोमा समीक्षकबाट पाएको प्रतिक्रिया अनि पहिलो शोका दर्शकबाट मिलेको उच्च ‘वर्ड अफ माउथ’ले फिल्मको विजनेसमा ठूलो प्रभाव पारेको छ । फिल्ममा सुरज पाण्डे र स्वस्तिमा खड्का लिड अभिनयमा छन् ।
उता दिपेन्द्र लामा निर्देशित घामपानीको पनि ‘वर्ड अफ माउथ’ राम्रो छ । स्टारकास्टले भरिपूर्ण फिल्म हेर्न बिहानीभन्दा दिवा शोमा दर्शकको चाप बढेको पाइएको छ । दिवा शोमा सिभिल र लाविङ मल हाउसफूल छ ।



कमेन्टसहरु




2366968 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top