Sajhakura Dainik - तीन नम्बर प्रदेशको सभामुखमा सानु श्रेष्ठ निर्विरोध
तपाई, हामी, सवैकोकुरा, राष्ट्रिय दैनिक साझाकुरा
समाचार

तीन नम्बर प्रदेशको सभामुखमा सानु श्रेष्ठ निर्विरोध


समाचार 12 पटक पढिएको


तीन नम्बर प्रदेशको सभामुखमा सानु श्रेष्ठ निर्विरोध


हेटौंडा, २७ माघ÷ तीन नम्बर प्रदेशको सभामुखमा नेकपा एमालेबाट प्रदेशसभा सदस्य बनेका साुनकुमार श्रेष्ठ निर्विरोध चयन भएका छन् ।

प्रदेशसभाको सचिवालय हेटौंडामा शनिबार भएको सभामुखको निर्वाचन कार्यक्रममा श्रेष्ठको मात्र उम्मेदवारी परेपछि निर्विरोध भएका हुन् ।

सभामुखको लागि शनिबार बिहान १० बजेदेखि दिउँसो १ बजेसम्म उम्मेदवारी दर्ताको  समय तोकिएको थियो । सो समयमा श्रेष्ठको एक्लो उम्मेदवारी परेपछि प्रदेशसभाको बैठकले उनलाई निर्विरोध निर्वाचित गरेको हो । प्रदेशसभाको अध्यक्षता गरिरहेका ज्येष्ठ सदस्य डोरमणि पौडेलले सभामा श्रेष्ठलाई निर्विरोध निर्वाचित भएको घोषणा गरेका थिए । माओवादी केन्द्रका संसदीय दलका नेता शालिकराम जमकट्टेल प्रस्तावक र एमालेका रामेश्वर फुयालको समर्थनमा श्रेष्ठले मनोनयन दर्ता गरेका थिए । 

एमाले संसदीय दलको नेतामा डोरमणि पौडेल निर्वाचित भएपछि श्रेष्ठलाई सभामुख बनाउने निर्णय एमालेले गरेको थियो । प्रदेशसभामा एमाले एक्लैको बहुमत रहेकोमा माओवादी केन्द्रकोसमेत समर्थनमा श्रेष्ठले सभामुखमा उम्मेदवारी दिएका थिए । काठमाडौं–३५ कोटेश्वर निवासी ५८ वर्षीय श्रेष्ठ  काठमाडौं क्षेत्र नम्बर दुइको ‘क’बाट निर्वाचित भएका थिए ।

श्रेष्ठ एमालेका पोलिटब्यूरो सदस्य हुन् । मुख्यमन्त्रीका दाबेदार समेत रहेका श्रेष्ठलाई सभामुख बनाउने गरी ब्याक गरिएको थियो । डोरमणि पौडेललाई मुख्यमन्त्रीको लागि पठाएर श्रेष्ठले सभामुख लिने सहमति भएको थियो । सभामुख निर्वाचित भएपछि श्रेष्ठले बेलुकी ५ बजे हेटौंडा–१० मा रहेको प्रदेश प्रमुखको कार्यालयमा प्रदेश प्रमुख अनुराधा कोइरालाबाट सपथ ग्रहण गरेका थिए । उपसभामुखको निर्वाचन आज आइतबारको लागि तोकिएको छ । आज हुने उपसभामुखको निर्वाचनमा पनि नेकपा माओवादी केन्द्रबाट प्रदेशसभा सभासद बनेकी राधिका तामाङ निर्वाचित हुने निश्चित देखिएको छ । 

बाम गठबन्धनमा माओवादीको भागमा उपसभामुख परेकोमा यसअघि नै माओवादीले राधिकालाई उपसभामुखमा उठाउने निर्णय गरिसकेको छ । एक सय ११० जना सभासद रहेको प्रदेशसभामा एमाले एक्लैको ५८ मत छ । भने माओवादी केन्द्रको २३ मत रहेको छ । एमाले र माओवादीका संयुक्त उम्मेदवार बन्दै गरेकी तामाङको जीत सुनिश्चित देखिन्छ। प्रदेशसभामा काँग्रेसको २१, विवेकशील साझा पार्टीको तीन, नेमकिपाको २, राप्रपा, राप्रपा प्रजातान्त्रिक र नयाँ शक्तिको एक÷एक प्रदेशसभा सभासद रहेका छन् ।





कमेन्टसहरु




2366953 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top