Sajhakura Dainik - हेटौंडाका डोरमणि पौडेल तीन नम्बर प्रदेशको मुख्यमन्त्री नियुक्त
तपाई, हामी, सवैकोकुरा, राष्ट्रिय दैनिक साझाकुरा
समाचार

हेटौंडाका डोरमणि पौडेल तीन नम्बर प्रदेशको मुख्यमन्त्री नियुक्त


समाचार 7 पटक पढिएको


हेटौंडाका डोरमणि पौडेल तीन नम्बर प्रदेशको मुख्यमन्त्री नियुक्त


हेटौंडा, २८ माघ÷ नेकपा एमाले तीन नम्बर प्रदेशका संसदीय दलका नेता डोरमणि पौडेल प्रदेशको मुख्यमन्त्री नियुक्त भएका छन् । तीन नम्बर प्रदेश प्रमुख अनुराधा कोइरालाले पौडेललाई आइतबार मुख्यमन्त्रीमा नियुक्त गरेकी हुन् ।


एमाले संसदीय दलको कार्यालयले पौडेललाई मुख्यमन्त्री बनाउन पठाएको सिफारिसको आधारमा पौडेललाई मुख्यमन्त्री नियुक्त गरिएको हो । आइतबार साँझ प्रदेश प्रमुखको कार्यालय हेटौंडाले पत्रकार सम्मेलनको आयोजना गरी पौडेललाई तीन नम्बर प्रदेशको मुख्यमन्त्रीमा नियुक्त गरिएको आधिकारिक जानकारी गराएको हो । नवनियुक्त मुख्यमन्त्री पौडेललाई प्रदेश प्रमुख अनुराधा कोइरालाले आज सोमबार बिहान ९ः३० बजे हेटौंडा–१० मा रहेको आफ्नो कार्यालयमा सपथ ग्रहण गराउने कार्यक्रम तय भएको छ । 

मुख्यमन्त्रीमा नियुक्त गरिएको पत्र हस्तान्तरण गर्दै पौडेललाई कोइरालाले सपथ ग्रहण गराउने प्रदेश प्रमुखको कार्यालयका सचिव चतुर्भुज ज्ञवालीले जानकारी दिए । संविधानको धारा १६८ को उपधारा एकबमोजिम पौडेललाई मुख्यमन्त्रीमा नियुक्त गरिएको हो । प्रदेशसभामा बहुमत प्राप्त दलको सिफारिसमा मुख्यमन्त्रीले मुख्यमन्त्री नियुक्त गर्ने संविधानमा व्यवस्था भएबमोजिम प्रदेश प्रमुखले सिफारिस प्राप्त हुनासाथ मूख्यमन्त्री नियुक्त गरेकी हुन् । तीन नम्बर प्रदेशसभामा एमाले एक्लैको बहुमत छ । एक सय १० जना प्रदेशसभा सभासदमध्ये ५८ जना एमालेको रहेका छन् । आइतबार दिउँसो एमाले संसदीय दलको कार्यालयले ५८ जना प्रदेशसभा सभासदको हस्ताक्षरसहितको सिफारिस पत्र प्रदेश प्रमुखलाई पठाएको थियो । नेकपा माओवादी केन्द्रका संसदीय दलका नेता शालिकराम जम्कट्टेलले पनि आफ्नो पार्टीकोसमेत पौडेललाई समर्थन रहेको छुट्टै पत्र पठाएका थिए । मुख्यमन्त्रीको सपथ लिएसँगै पौडेलले आजैबाट आफ्नो पदभार सम्हाल्नेछन् । तत्कालीन जिल्ला समन्वय समितिको कार्यालयमा मुख्यमन्त्रीको कार्यालय स्थापना गरिसकिएको छ । तीनदिनअघि एमालेको संसदीय दलको नेताको लागि भएको आन्तरिक चुनावमा पौडेलले पार्टीकी उपाध्यक्षसमेत रहेकी अष्टलक्ष्मी शाक्यलाई पराजित गरेका थिए । प्रदेशसभाको निर्वाचनमा मकवानपुर क्षेत्र नम्बर २ (ख) बाट पौडेल निर्वाचित भएका थिए ।





कमेन्टसहरु




2306987 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top