Sajhakura Dainik - Sajhakura Dainik - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
तपाई, हामी, सवैकोकुरा, राष्ट्रिय दैनिक साझाकुरा
समाचार

प्रदेश ३ को हिउँदे अधिवेशन कहिले


समाचार पटक पढिएको




हेटौंडा÷मंसिरमा सक्याउनुपर्ने वर्षे अधिवेशन ३ नम्बर प्रदेशसभाले गत पुस १२ गते सक्यायो ।

 तर, वर्षे अधिवेशन सकिएको डेढ महिना बितिसक्दा पनि हिउँदे अधिवेशन बोलाउने बारे कुनै छलफलसमेत हुन सकेको छैन । सरकारले हिउँदे अधिवेशन आह्वान नगर्दा प्रदेशसभा बिजनेशबिहीन भएको छ । प्रदेशसभाअन्तर्गतका समितिहरु पनि कामबिहीन भएका छन् । प्रदेश सरकार गठन भएको एक वर्ष पूरा  भइसक्दा समेत नामाकरण र स्थायी राजधानीको टुङ्गो लगाउन नसकेको सरकारले अन्ततः हिउँदे अधिवेशन पनि सुरु गर्न नसककेको हो । नामाकरण र स्थायी राजधानीकै विषयमा सहमति जुट्न नसक्दा हिउँदे अधिवेशन सुरु गर्न नसकिएको सरकारका पदाधिकारीहरुले सार्वजनिक कार्यक्रममा बोल्दै आएका छन् । हिउँदे अधिवेशनको पहिलो बैठकबाटै राजधानी र नामाकरणको विषय टुङ्ग्याउनैपर्ने दबाबमा रहेको सरकारले हिउँदे अधिवेशन पनि सुरु नगरेको हो । प्रदेशको स्थायी राजधानी र नामाकरणबारे राजनीतिक सहमति जुटेपछि मात्र हिउँदे अधिवेशन बोलाउने तयारी रहेको सभामुख सानुकुमार श्रेष्ठ बताउँछन् । गत असार २६ गते प्रदेश नम्बर तीनको स्थायी राजधानी सम्भाव्यता अध्ययन विशेष समितिले पाँच जिल्लालाई स्थायी राजधानीका लागि सिफारिस गर्दै सभामुख सानुकुमार श्रेष्ठलाई प्रतिवेदन बुझाएको थियो । प्रतिवेदन बुझाए पनि प्रदेशसभा बैठकमा त्यसले औपचारिक प्रवेश भने गत असोज २२ गते मात्र प्राप्त ग¥यो । त्यसलगत्तै कात्तिक १३ गते बैठक बोलाइएपनि स्थगित भएको थियो । वर्षे अधिवेनबाटै स्थायी राजधानी टुङ्गो लगाउन भन्दै अधिवेशनको अवधि लम्ब्याइए पनि प्रतिवेदन बुझाएपछिको दुई बैठकसम्म छलफल हुन सकेन । मन्त्रीपरिषदको निर्णयपछि प्रदेश प्रमुखको आब्हानमा सभामुखले प्रदेशसभा बैठक बोलाउनुपर्ने संवैधानिक प्रावधान छ । तर प्रदेश सरकार तत्कालै प्रदेशसभा बैठक बोलाउने पक्षमा छैन । यस विषयमा पछिल्लो समय मुख्यमन्त्री डोरमणि पौडेल पनि मौन छन् । हेटौंडाबाट राजधानी सार्न पहल गर्ने प्रदेशसभा सदस्यहरुलाई पेलेरै थकित पार्ने मुडमा मुख्यमन्त्री पौडेल रहेको उनी निकट स्रोत बताउँछ । प्रदेश तीनको राजधानी हेटौंडाबाट अन्यत्र नसर्ने दाबी गर्दै आएका उनी केन्द्रीय नेताहरुसँग निरन्तर लविङमा छन् । तर केही मन्त्रीहरु भने हेटौंडाबाट काभ्रे राजधानी लैजान लविङमा रहेको बुmिभएको छ । मन्त्री शालिकराम जम्कट्टेलले सार्वजनिक रुपमै हेटौंडा राजधानीको लागि उपयुक्त नभएको बताउँदै आएका छन् । संख्यात्मक हिसावले कमजोर प्रतिपक्ष रहेको प्रदेश तीनमा सत्तापक्षकै आन्तरिक किचलोले पनि राजधानीको विषय अनिर्णयको बन्दी बनेको हो । स्थायी राजधानी तोक्न प्रदेशसभाका दुई तिहाई सदस्यहरुले कुनै एक स्थानको लागि मतदान गर्नुपर्ने संबैधानिक प्रावधान रहेको छ । तीन नम्बर प्रदेशसभामा एकसय नौ जना सदस्य रहेका छन् । तीमध्ये ८० जना सत्तारुढ दल नेकपाका रहेका छन् । राजधानीकै विषयका कारण प्रदेशसभा अनिश्चित हुँदा मन्त्रिपरिषद्बाट स्वीकृत भएका एक दर्जनभन्दा बढी विधयेकले प्रदेशसभामा प्रवेश पाउन सकेका छैनन् । जसका कारण सभा अन्तर्गतका समितिहरु कामविहीन भएका छन् । प्रदेश सरकारले प्रदेश सभालाई पर्याप्त विजिनेस नदिएको र प्रदेशको स्थायी राजधानी समयमा नतोक्दा समितिहरुको वैठक र काम प्रभावित बनिरहेको प्रदेश सभा कार्य व्यवस्था परामर्श समितिका सदस्यका छिरिङ दोर्जे लामाले बताए । प्रदेश सरकारको प्रदेश सभालाई छलेर काम गर्ने मानसिकताका कारण हिउँदे अधिवेशन बोलाउन ढिलाइ गरेको बताउँदै उनले समितिका सभापतिहरु गैरसरकारी संस्थाको कार्यक्रम, गोष्ठी, सेमिनार र घुमफिरमा व्यस्त हुने गरेको बताए । उनले प्रदेश सभाको वैठक नबोलाएर प्रदेश सभालाईलाई प्रदेश सरकारले असफल बनाउन लागेको आरोप लगाए । लेखा समितिका सभापति न्हुक्षेनारायण श्रेष्ठ प्रदेशको स्थायी राजधानी टुङ्गो नलाग्दा अस्थायी मानसिकताले प्रदेश सभाका समितिको वैठक नबस्ने गरेको भन्दै बैठक बोलाउँदा पनि सदस्यहरुले आउन आनाकानी गर्ने गरेको बताए । यस्तै अर्थ तथा विकास समितिका सभापति सरेश नेपालले प्रदेश सरकारले प्रदेश सभामा विधेयक पेस नहुँदा समितिहरुले काम नपाएको र नियमित बैठक पनि नभएको बताए । उद्योग, पर्यटन तथा वातावरण समितिका सभापति रमा आले मगर प्रदेश सभाको वैठक बसेको समयमा मात्र समितिको वैठक बस्ने गरेको बताइन् ।





सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


प्रदेश ३ को हिउँदे अधिवेशन कहिले - 2019-02-14

हेटौंडा÷मंसिरमा सक्याउनुपर्ने वर्षे अधिवेशन ३ नम्बर प्रदेशसभाले गत पुस १२ गते सक्यायो ।

उपमेयर कपको उपाधि १७ र १४ नम्बर वडाले जित्यो - 2019-02-14

हेटौंडा÷ उपमेयर कप वडास्तरीय भलिबल प्रतियोगितामा पुरुष तर्फको उपाधी वडा नम्बर १७ ले जितेको छ भने महिला तर्फको उपाधी वडा नम्बर १४ले जितेको छ ।

संघीयता अभ्यासको एकवर्ष अन्यौलकैबीच अघि बढ्दै प्रदेश सरकार - 2019-02-13

हेटौंडा, २९ माघ÷ मुलुकमा संघीयता कार्यान्वयनको क्रममा पहिलो प्रादेशिक अभ्यास गर्ने ३ नम्बर प्रदेश सरकार स्थापनाको एकवर्ष पूरा भएको छ ।

‘झन्झटिलो खरिद ऐनले विकास निर्माणमा समस्या’ - 2019-02-13

हेटौंडा, २९ माघ÷ ३ नम्बर प्रदेशका मुख्यमन्त्री डोरमणि पौडेलले सार्वजनिक खरिद ऐनका कारण देखिने गरी काम गर्न नसकिएको बताएका छन् ।

छानविन र कारबाहीको नाममा आतंक फैलियोः मुख्यमन्त्री - 2019-02-12

हेटौंडा, २८ माघ÷३ नम्बर प्रदेशका मुख्यमन्त्री डोरमणि पौडेलले अख्तियार दुरुपयोग अनुसन्धान आयोगले भ्रष्टाचार र अनियमिततामा माथि छानविन र कारबाही गर्ने नाममा आतंक फैल्याएको आरोप लगाएका छन् ।

११ जिल्लाबाट ६ महिनामा ६७६ उजुरी - 2019-02-12

हेटौंडा÷स्थानीय तहमा भ्रष्टाचार मौलाउँदै गएको पाइएको छ ।

पार्टी एकीकरण पूर्ण नहुँदा कार्यकर्तामा निराशाः नेपाल - 2019-02-11

हेटौंडा, २७ माघ÷ नेकपाका बरिष्ठ नेता तथा पूर्वप्रधानमन्त्री माधवकुमार नेपाललले पार्टी एकीकरण पूर्ण नहुँदा कार्यकर्तामा निराशा छाएको बताएका छन् ।

प्रजातान्त्रिक पार्क निर्माण अन्तिम चरणमा - 2019-02-11

हेटौंडा÷ हेटौंडा उपमहानगरपालिका–११ स्थित शहीद स्मारकमा प्रजातान्त्रिक पार्क निर्माण अन्तिम चरणमा पुगेको छ ।

एकैमहिनामा चौथो पटक प¥यो उत्तरी क्षेत्रमा हिउँ आन्तरिक पर्यटकले भरियो दामन सिमभञ्ज्याङका होटलहरु - 2019-02-10

हेटौंडा÷ मकवानपुर जिल्लाको सिम्भज्याङ तथा दामान क्षेत्रमा यसवर्ष माघ महिनामा मात्र चारपटक हिमपात भएको छ । शुक्रबार रातभरको वर्षासँगै शनिबार विहान उत्तरी मकवानपुरमा भारी मात्रामा हिमपात भएको थियो ।


2419002 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top