Sajhakura Dainik - Sajhakura Dainik - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
तपाई, हामी, सवैकोकुरा, राष्ट्रिय दैनिक साझाकुरा
समाचार

सकियो प्रि–बजेट छलफल, सांसद्को उपस्थिति न्यून


समाचार पटक पढिएको




हेटौंडा, ४ जेठ÷ ३ नम्बर प्रदेशको प्रदेशसभामा प्रि–बजेट छलफलको अन्तिम दिन सांसद्हरुको उपस्थिति ज्यादै न्यून देखिएको छ ।


प्रदेशसभामा शुक्रबार जारी आर्थिक वर्ष २०७५÷७६ को पूर्वबजेट छलफलमा करिब एकतिहाइ मात्रै सांसद् उपस्थित भएका थिए । आफ्नो बोल्ने पालो सकिएलगत्तै प्रदेशसभा सदस्यहरु घर फर्किएकासँगै प्रदेशसभाको बैठक कक्षका कुर्सी खाली भएका थिए । अधिकांश सांसद् बजेटको छलफल चलिरहँदा पालैपालो बैठक कक्षबाट निस्किएका थिए ।

आर्थिक मामिला तथा योजनामन्त्री कैलाश ढुंगेलले पेस गरेको ‘विनियोजन विधेयकका सिद्धान्त र प्राथमिकता’ माथिको छलफल चलिरहँदा सत्तापक्षका २२ र प्रतिपक्षका १४ सांसद सहभागी थिए । संविधानको धारा १८५ मा प्रदेशसभा बैठकमा सम्पूर्ण सदस्यको एक चौथाइ सदस्य उपस्थित नभएसम्म कुनै प्रश्न वा प्रस्ताव निर्णयका लागि प्रस्तुत गरिने छैन भन्ने उल्लेख छ । गणपुरक संख्या नपुगेका खण्डमा प्रस्ताव पारित हुन नसक्ने कारण सत्तारुढ दलका मुख्य सचेतकहरु चिन्तामा देखिएका छन्।

शुक्रबारको विषयगत समितिको बैठक र प्रदेशसभा बैठक सुरु भएलगत्तै सदस्यहरु उपस्थित भए पनि छलफल सुरु भएलगत्तै 

्रबाहिरिएका थिए । लामो समय बैठक नबस्ने भएका कारण सांसदहरु हतारले घर फर्किएका हुन् । स्थायी राजधानीको बारेमा निर्णय नभएको कारण प्रदेशसभा सदस्यले हेटौंडामा डेरा लिएका छैनन् । बैठकमा सहभागी हुन आउने उनीहरु सकिएलगत्तै फर्किने गरेका छन् ।

छलफलमा भाग लिंदै प्रदेशसभा सदस्यहरुले ३ नम्बर प्रदेश संघीय राजधानी भएको प्रदेश भएकाले अन्य प्रदेशलाई उदाहरण प्रस्तुत गर्ने ढंगले नीति तथा कार्यक्रम ल्याउनुपर्नेमा जोड दिएका थिए । उनीहरुले प्रादेशिक शिक्षा आयोग, प्रादेशिक लोकसेवा आयोग, प्रादेशिक विज्ञान प्रतिष्ठान, प्रादेशिक प्राविधिक शिक्षा लगायतका दिर्घकालिन प्रभाव पार्ने योजनामा काम गर्नुपर्नेमा जोड दिएका थिए । उत्पादन र निर्यातमुलक उद्योगलाई प्रवद्र्धन, कम्तिमा ६६ निर्वाचन क्षेत्र र १३ जिल्लामा एउटा महत्पूर्ण योजना छनौट लगायतका विषयमा ध्यान दिन उनीहरुले सुझाव दिए । 

छलफलमा प्रदेशसभा सदस्यहरु मुनु सिग्देल, नरोत्तम बैद्य, न्हुच्छेमान श्रेष्ठ, विराजभक्त श्रेष्ठ, विजुला बर्मा, रिना गुरुङ, रिता माझी, बुद्धिमान माझी लगायतले प्रदेश सरकारको नीति तथा कार्यक्रमले समृद्धिको खाकालाई अमूर्त रुपमा भन्दा पनि ठोस ढंगले प्रस्तुत गर्नुपर्नेमा जोड दिएका थिए । सभामा उठेका प्रश्नहरुको जवाफ दिंदै मन्त्री ढुंगेलले सुझावलाई समेट्ने प्रतिवद्धता व्यक्त गरे । उनले प्रदेशका सम्पूर्ण राजनीति दलका घोषणा पत्र र सहश्राव्दी विकास लक्ष्यमा उल्लेख भएका विषयबस्तुलाई केन्द्रमा राखेर नीति तथा कार्यक्रम आउनेमा ढुक्क हुन आग्रह गरेका थिए । 

बैठकमा बोल्ने अधिकांश प्रदेशसभा सदस्यहरुले समाजवाद उन्मुख नीति तथा कार्यक्रम आउनुपर्ने भन्दै शिक्षा, स्वास्थ्य र रोजगारीलाई ठोसढंगले सम्बोधन गर्नु जरुरी रहेको बताएका थिए । उनीहरुले कृषिमा विचौलियाको अन्त्य, चक्लाबन्दीमार्फत कृषिलाई प्रवद्र्धन, निर्यातजन्य उद्योगलाई प्रोत्साहन जस्ता क्षेत्रमा नीति तथा कार्यक्रम केन्द्रित हुनुपर्नेमा जोड दिएका थिए । 

कार्यव्यवस्था परामर्श समितिको बैठकमा भएको सहमति अनुसार बिहीबार र शुक्रबार १० घण्टा विनियोजन विधेयकका सिद्धान्त र प्राथमिकता’ माथि छलफल हुने कार्यतालिका रहेको थियो । ण्प्रदेश सभाको ठूलो दल एमालेलाई साढे ४ घण्टा, माओवादी केन्द्र र काँग्रेसलाई २÷२ घण्टा र अन्य साना दललाई डेढ घण्टाको समय निर्धारण गरिएको थियो । प्रदेश सरकारले असार १ गते आर्थिक बर्ष ०७५÷०७६ को लागि बजेट ल्याउने जनाएको छ ।




सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


सकियो प्रि–बजेट छलफल, सांसद्को उपस्थिति न्यून - 2018-05-19

हेटौंडा, ४ जेठ÷ ३ नम्बर प्रदेशको प्रदेशसभामा प्रि–बजेट छलफलको अन्तिम दिन सांसद्हरुको उपस्थिति ज्यादै न्यून देखिएको छ ।

लायन्सद्वारा सिलाई मेसिन सहयोग - 2018-05-19

हेटौंडा, ४ जेठ÷ लायन्स क्लव अफ मुक्तिनाथ हेटौंडाले मनहरी गाउँपालिका–५ हाँडीखोला डिल्लीपुरको आर्थिकरुपमा कमजोर दलित महिललाई सिलाई मेसिन सहयोग गरेको छ ।

प्रदेशसभामा बजेटको सिद्धान्त र प्राथमिकतामाथि छलफल सुरु - 2018-05-18

हेटौंडा, ३ जेठ÷३ नम्बर प्रदेशसभा आगामी आर्थिक २०७५÷७६ को लागि विनियोजन बिधेयक–२०७५ का सिद्धान्त र प्राथमिकताको बारेमा छलफल सुरु भएको छ ।

विदेशी उद्योग नल्याउन डेरी उद्योगीको जोड - 2018-05-18

हेटौंडा, ३ जेठ÷नेपालको दुग्ध क्षेत्रमा भारतीय लगानी भित्रन लागेको भन्दै नेपालका डेरी व्यवसायीहरु त्रसित बनेका छन् । विदेशी उद्योगसँग नेपाली उद्योगले प्रतिष्पर्धा गर्न नसक्ने र एकलौटी विदेशी उद्योगको बजार हुँदा नेपालको अर्थतन्त्रमासमेत असर पर्ने उनीहरुको ठम्याई रहेको छ ।

‘काँग्रेसमा गुट उपगुटको राजनीति अन्त्य हुनु जरुरी’ - 2018-05-17

हेटौंडा, २ जेठ÷ नेपाली काँग्रेसका महामन्त्री डा. सशांक कोइरालाले नेपाली काँग्रेसमा गुट उपगुटको राजनीति अन्त्य हुनु जरूरी रहेको औंल्याएका छन् ।

प्रदेशसभामा बजेटको सिद्धान्त र प्राथमिकता प्रस्तुत - 2018-05-16

हेटौंडा, १ जेठ÷ ३ नम्बर प्रदेशको प्रदेशसभा बैठकमा आगामी आर्थिक वर्ष ०७५÷०७६ को बजेटको सिद्धान्त र प्राथमिकता प्रस्तुत भएको छ ।

मकवानपुर क्रिकेट क्लब च्याम्पियन - 2018-05-16

हेटौंडा, १ जेठ÷ मकवानपुर क्रिकेट क्लब (एमसीसी) हेटौंडामा मंगलबार सम्पन्न टी–२० क्रिकेट प्रतियोगिता जित्न सफल भएको छ । हेटौंडा खुल्ला टी–२० क्रिकेट प्रतियोगिताको फाइनलमा मकवानपुर क्रिकेट एकेडेमी (एसीए)को चुनौती १२ रनले पन्छाउँदै मकवानपुर क्रिकेट क्लब च्याम्पियन बनेको हो ।

यातायात व्यवसायीको बैंक खाता रोक्का - 2018-05-16

हेटौंडा÷सरकारले थप यातायात समितिहरुको पनि बैंक खाता रोक्का गर्ने भएको छ । सिण्डिकेट हटाउने सरकारी निर्णयविरुद्ध आन्दोलनमा उत्रिएका यातायात व्यवसायीहरुले २१ बैशाखमा सार्वजनिक यातायात नचलाएपछि २४५ यातायात समितिले बैंक खाता रोक्का गरिएको थियो ।

द्रुतमार्ग बनाउँदा काटिएको काठदाउरा समुदायमा हस्तान्तरण - 2018-05-16

हेटौंडा, १ जेठ÷ काठमाडौं–तराई मधेश द्रुतमार्गको ट्रयाक खोल्ने क्रममा कटान गरेको काठ तथा दाउरा समुदायमै हस्तान्तरण गरिएको छ ।सेनाले मार्गको क्षेत्राधिकारभित्र परेर कटान गरेको रुख तथा दाउरा सामुदायिक वनलाई हस्तान्तरण गरेको हो ।


2292504 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top