Sajhakura Dainik - Sajhakura Dainik - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
तपाई, हामी, सवैकोकुरा, राष्ट्रिय दैनिक साझाकुरा
अर्थ / व्यापार

औद्योगिक व्यापार मेलामा ५ करोडको कारोबार, १ लाखले गरे अवलोकन


अर्थ / व्यापार पटक पढिएको




हेटौंडा, २८ फागुन÷ कृषि तथा औद्योगिक उत्पादनको प्रवद्र्धन गर्ने उद्देश्यले हेटौंडामा भएको राष्ट्रिय औद्योगिक व्यापार मेलामा ५ करोडको कारोबार भएको छ ।

 १० दिनको अवधिमा करिब एक लाख जनाले मेलाको अवलोकन गरेको आयोजक मकवानपुर उद्योग वाणिज्य संघलेजनाएको छ । फागुन १८ गतेदेखि सुरु भएको मेलाको मंगलबार एक कार्यक्रमकाबीच समापन गरिएको छ । समापन समारोह सकिए पनि आज बुधबार एक दिन प्रदर्शनी तथा व्यापार भने जारी रहने संघका सचिव एवम् प्रवक्ता काव्यमणि अधिकारीले जानकारी दिए ।  

मेलामा मकवानपुरका चेपाङहरुले खाने गिट्ठा, भ्याकुर जस्ता स्थानीय तथा मौलिक वस्तुहरुको प्रदर्शनीमा राखिएको थियो । पञ्चेबाजा, खैंजडी भजन जस्ता स्थानीय संस्कृति, भेषभुषाहरुको प्रदर्शन पनि भएको थियो । स्थानीय जातका माछा, मह, कृषि उपजहरुको प्रर्दशनी तथा बिक्रीका लागि राखिएको थियो । मेलामा लघु तथा घरेलु उद्यम, हस्तकला, औद्योगिक बस्तु तथा सेवाको प्रवद्र्धनका लागि प्रदर्शनी तथा बिक्री गरिएको थियो । 

हेटौंडा–५ स्थित क्याम्पाडाँडा चौरमा आयोजित मेलामा ४ सयवटा स्टल राखिएको थियो । मेलामा ३ नम्बर प्रदेशका १३ जिल्लाका कृषि, घरेलु तथा औद्योगिक उत्पादनलाई विशेष प्राथमिकता दिइएको थियो । दैनिक राष्टिूय कलाकारहरुले दैनिक प्रस्तुति दिएका थिए । हात्ती शयर, हेलिकोप्टरबाट हेटौंडाको दृश्यावलोकनको व्यवस्था गरिएको थियो । 

नेपाली काँग्रेस ३ नम्बर प्रदेशका संसदीय दलका नेता तथा मकवानपुर सभापति इन्द्रबहादुर बानियाँको प्रमुख आतिथ्यतामा मेला समापन समारोहको आयोजना गरिएको थियो । समापन कार्यक्रममा बोल्दै नेता बानियाँले स्थानीय उत्पादनलाई बजारीकरण गर्न औद्योगिक मेलाले सहयोग पु¥याएको भन्दै प्रशंसा गरे । 

मेला तथा महोत्सवले उत्पादक र उपभोक्ताबीचको सम्बन्ध नजिकिने र कारोबार पनि राम्रो हुने भएकाले यसले समाजिक र आर्थिक परिवर्तनमा महत्व राख्ने बानियाँको भनाइ थियो ।

देशमा आर्थिक समृद्धि हासिल गर्न सरकारले निजी क्षेत्रलाई साथसाथै लिएर हिँड्नुपर्ने उनको सुझाव थियो । अर्को प्रसंगमा बानियाँले भौगोलिक तथा रणनीतिक हिसाबले ३ नम्बर प्रदेशको स्थायी राजधानी हेटौंडा नै हुनुपर्नेमा जोड दिए । सबै हिसाबले उपयुक्त हुने देखेरै तत्कालीन काँग्रेस नेतृत्वको सरकारले हेटौंडालाई अस्थायी 

राजधानी तोकिएको भन्दै उनले अब यसैलाई स्थायी गर्नुको विकल्प नभएको बताए । सरकार र सिके राउतबीच भएको समझदारीको पनि बानियाँले विरोध गरे । 

सिके राउतसँग सम्झौता गर्दा सरकार चिप्लिएको उनले टिप्पणी गरे । राष्टिूय एकता, अखण्डतामाथि नै कुठाराघात हुने गरी सम्झौता गरिएको भन्दै उनले आपत्ति जनाए । 





सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


औद्योगिक व्यापार मेलामा ५ करोडको कारोबार, १ लाखले गरे अवलोकन - 2019-03-13

हेटौंडा, २८ फागुन÷ कृषि तथा औद्योगिक उत्पादनको प्रवद्र्धन गर्ने उद्देश्यले हेटौंडामा भएको राष्ट्रिय औद्योगिक व्यापार मेलामा ५ करोडको कारोबार भएको छ ।

हेटौंडामा जुत्ता चप्पल व्यापार मेला - 2019-03-13

हेटौंडा, २८ फागुन÷ स्वदेशी जुत्ता चप्पलको प्रवद्र्धन र बिक्रीको लागि हेटौंडामा मंगलबारदेखि जुत्ता चप्पल व्यापार मेला सुरु भएको छ । मकवानपुर उद्योग वाणिज्य संघको आयोजना तथा फुटवेयर एशोसियसनको समन्वयमा सुरु भएको मेला २० दिनसम्म चल्नेछ ।

माघको दोस्रो साता हर्नामाडीमा खाद्य मेला - 2019-01-09

हेटौंडा, २४ पुस÷ हेटौंडा–१८ हर्नामाडीमा रहेको ज्योति माध्यमिक विद्यालयमा माघको दोस्रो साताबाट खाद्य मेला हुने भएको छ ।

मापदण्डविपरितको उद्योग हटाउन अटेर - 2018-12-09

हेटौंडा, २१ मंसिर÷ हेटौंडा–११ नवलपुरमा मापदण्ड विरिपत सञ्चालन भएको भन्दै एक फर्निचर उद्योगलाई बन्द गर्न निर्देशन दिए पनि उद्योगले अटेरी गरेको छ ।

सहकारीले व्यावसायिक क्षेत्रमा लगानी गर्नुपर्ने - 2018-09-10

हेटौंडा, २४ भदौ÷ सहकारी संस्थाहरुले व्यवसायिकता, युवा लक्षित कार्यक्रम र आयआर्जनका क्षेत्रहरुमा लगानी बढाउनुपर्नेमा सरोकारवालहरुले आग्रह गरेका छन् ।

‘ठूला उद्योग खोल्ने वातावरण बनाउँदैछौं’ - 2018-08-16

हेटौंडा, ३० साउन÷ प्रदेश नम्बर ३ का मुख्यमन्त्री डोरमणि पौडेलले प्रदेश सरकारले छ महिनाको अवधिमा धेरै कामहरुको थालनी गरेको भन्दै ठूला उद्योग खोल्ने वातावरण निर्माणमा आफूहरु लागिपरेको बताएका छन् ।

निजी कम्पनीलाई सुन आयात अधिकार दिन माग - 2018-07-17

हेटौंडा, ३२ असार÷ निजी कम्पनीलाई पनि सुन आयात गर्ने अधिकार दिइनुपर्नेलगायतको माग राख्दै नेपाल सुनचाँदी व्यवसायी महासंघले ३ नम्बर प्रदेशका मुख्यमन्त्री डोरमणि पौडेललाई सोमबार ज्ञापनपत्र बुझाएको छ ।

‘कर तथा गैरकर सम्बन्धी विधेयक अर्थ समितिमा - 2018-06-22

हेटौंडा, ७ असार÷ ‘कर तथा गैरकर राजश्व लगाउने र उठाउने सम्बन्धमा व्यवस्था गर्न बनेको विधेयक, २०७५’ दफावार छलफलका लागि समितिमा पठाइएको छ ।

उद्योग मन्त्रालयले सार्वजनिक ग¥यो प्राथमिकताको क्षेत्र - 2018-05-28

हेटौंडा, १३ जेठ÷तीन नम्बर प्रदेशको उद्योग पर्यटन वन तथा वातावरण मन्त्रालयले आफ्नो प्राथमिकताको क्षेत्र र आगामी दिनमा गर्ने कामको बारेमा सञ्चारकर्मीहरुलाई जानकारी गराएको छ ।


2436333 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top