Sajhakura Dainik - Sajhakura Dainik - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
तपाई, हामी, सवैकोकुरा, राष्ट्रिय दैनिक साझाकुरा
अन्तर्वार्ता

आवश्यक सेवा, सुविधा राज्यले दिनुपर्छ


अन्तर्वार्ता पटक पढिएको




नवराज अर्याल (अध्यक्ष)उद्योग संघ मकवानपुर हेटौंडा औद्योगिक क्षेत्रका उद्योग संघ मकवानपुरले उद्योगी व्यवसायीहरुको हितमा के कस्तो काम गर्दै आइरहेको छ ? उद्योग संघ मकवानपुरले चाहिँ विशेष गरी यहाँको उद्योगीहरुको सुरक्षाको लागि काम गर्दै आएको छ ।

 दैनिक औदोगिक उत्पादन गर्नको लागि विद्युत्को, खानेपानी, सडक सुधार लगायतको  बारेमा सम्बन्धित निकायलाई घच्घच्याउने काम गरिरहन्छ । साथै उद्योगीको अधिकार स्थापित गर्नको लागि सँधै लागिपरिरहेको छ ।


हेटौंडा औद्योगिक क्षेत्रमा विभिन्न किसिमका सुरक्षा चुनौती रहेको भन्ने गुनासो आइरहन्छ, त्यस्तो चुनौतीलाई पन्छाउनको लागि तपाईहरुले के कसरी भूमिका खेलिरहनुभएको छ ?

औद्योगिक क्षेत्रभित्र खुला सिमाना भएको कारण सुरक्षा चुनौती त निकै छ । राज्यले २५ मिटर बाटो बढाउने भन्दै भएका तारबार पनि भत्काएको अवस्था छ । यस्तो अवस्थामा हामीले जिल्ला प्रशासन कार्यालयलाई सुरक्षाको लागि माग गरेका छौं । हाम्रो जग्गा भएको भए हामी आफैंले तारबार लगाउँथ्यौं होला तर, यो काम औद्योगिक क्षेत्र व्यवस्थापन कार्यालयको हो । त्यसका लागि हामीले कार्यालयलाई पटकपटक आग्रह गरे पनि काम हुन सकेको छैन । प्रमुख जिल्ला अधिकारीले पनि यो समस्या समाधानमा लागिपर्ने प्रतिवद्धता जनाएका छन् । 


औद्योगिक सुरक्षा बल खटाइएको छ । उसले निर्वाह गर्नुपर्ने भूमिका कतिको निर्वाह गर्न सकेको छ ?

सुरक्षा बलले प्रयाप्त सुरक्षा व्यवस्था मिलाउन सकेको छैन । उसको आफ्नो जनशक्ति पूर्ण नभएको कारण उसले आवश्यक मात्रामा सुरक्षा व्यवस्था गर्न सकेको छैन । राज्यले एउटा नीति ल्याएर औद्योगिक सुरक्षा बल त गठन ग¥यो तर त्यहाँ चाहिने आवश्यक भौतिक पूर्वाधारहरु र जनशक्तिहरु पु¥याउन सकेन । ३२ सय रोपनी जमिन भएको औद्योगिक क्षेत्रलाई २०–२५ जनाको टोलीले कसरी हेर्न सक्छ र ? जिल्ला प्रशासन कार्यालयको समन्वयमा एक सय ५१ जनाको गुल्म राख्ने तयारी गरेका छौं । अहिलेको २०–२५ जनाको औद्योगिक सुरक्षा बलले त लौरो बोकेर घुम्नेबाहेक अरु कुनै काम गर्न सक्दैन । 


औद्योगिक क्षेत्रमा विद्युत् समस्या, खानेपानीको समस्याको कुराहरु बारम्बर उठिरहने गर्छ । वास्तवमा बिजुली पानीको राम्रो व्यवस्था गरिदिनको लागि औद्योगिक व्यवस्थापन कार्यालयलाई झक्झक्याउनु भएको छैन ?

औद्योगिक व्यवस्थापन कार्यालयले बिजुली, पानी बाटो सबै सुविधा दिने प्रतिवद्धतासहित उद्योगीहरु त्यहाँ भाडामा बस्न आएका हुन् । यस विषयमा व्यवस्थापन कार्यालयलाई घच्घच्याइरहनुपर्ने त हैन । यो व्यवस्थापन कार्यालयचाहिँ उद्योगीहरुबाट भाडा उठाउने, बिजुली पानीको कमिशन खाने अनि दिनुपर्ने सुविधाचाहिँ केही पनि नदिने गरिरहेको छ । यस विषयमा हामीले विभिन्न निकायमा घचघच्याइरहेका छौं । तै पनि समस्या समाधान 

भइरहेको छैन । सम्पूर्ण सेवा सुविधा दिने काम त राज्यको हो । हामीबाट त त्यस सेवाबापत कर उठाइरहेका छन् । भाडा लिइरहेका छन् । अहिलेको अवस्थामा हेर्दा औद्योगिक क्षेत्र व्यवस्थापन कार्यालयचाहिँ भाडा उठाएर खाने जमिनदारजस्तो मात्र भएको छ । 

औद्योगिक क्षेत्रमा उद्योगीहरुले जग्गा भाडामा लिएर उद्योग सञ्चालन नगरी ठाउँ मात्र ओगटेर बस्यो भन्ने आरोपहरु पनि लाग्ने गर्छ । किन यसरी जग्गा ओगटेर मात्र बस्नुभएको ?

बाहिरबाट हेर्ने मान्छेले यस्तो आरोप लगाउनु स्वाभाविक हो । उद्योगीहरुले त उद्योग सञ्चालनकै लागि जग्गा लिएका हुन् । निजी जग्गा त हैन, त्यसको भाडा तिर्नैपर्छ । औद्योगिक क्षेत्र व्यवस्थापन कार्यालयले बत्ति र पानीको आवश्यक व्यवस्था मिलाइदिए मात्र पनि अहिले भएका सबै जग्गामा उद्योग सञ्चालन हुन्छ । अहिले ९ वटा उद्योगहरु सञ्चालनको तयारीमा बसिरहेका छन् । तर, बिजुली नदिइँदा उद्योगहरु चल्न सकिरहेका छैनन् । जसले जुन कुरो भनिरहनु भएको छ त्यो भनेको उद्योगीको चरित्र हत्या गर्ने काम मात्र हो भन्ने लाग्छ । 

राज्यले प्रयाप्त बिजुली र पानीको व्यवस्था गरिदिए सबै उद्योगहरु सञ्चालनमा आउनेछन् ।


औद्योगिक क्षेत्रमा विद्युतीकरणको काम पनि भइरहेको छ, थप बिजुली कहिलेसम्ममा आइपुग्ने भन्ने छ ?

१० मेगावाट विद्युत् सरकारले उपलब्ध गराएको छ । तर, औद्योगिक क्षेत्र व्यवस्थापन कार्यालयले दिनुपर्ने सुविधाहरु दिएको छैन । औद्योगिक क्षेत्र व्यवस्थापन कार्यालयले क्यापासिटर बैंक नराखेकाले सरकारले दिएको विद्युत् पनि उपयोग गर्न पाइएको छैन । हामीलाई समस्या भइरहेको छ । हामीसँगको छलफलको क्रममा विद्युत् प्राधिकरणका कुलमान घिसिङ, उर्जा मन्त्री महेन्द्रबहादुर शाहीलगायतको टोलीले पनि औद्योगिक क्षेत्रको बिजुलीको समस्याको बारेमा जानकारी लिएर जानुभएको छ । उहाँहरुले केही सहजीकरण गर्नुहुन्छ भन्नेमा विश्वस्त छौं । 

उर्जामन्त्री र प्राधिकरणका प्रबन्ध निर्देशक कुलमान घिसिङलगायतको सहभागितामा तपाईंहरुसँग औद्योगिक क्षेत्रमै आएर अन्तरक्रिया भएको छ, उहाँहरुले औद्योगिक क्षेत्रको समस्याको बारेमा ठेट समाधानको कुराहरु चाहिँ के दिनुभयो ?

उद्योग भनेको उत्पादन गर्ने क्षेत्र हो, राज्यको नीति भनेकै उत्पादन गर्नु नै हो । उद्योगीहरुलाई सक्दो सहयोग गर्छौ भन्ने किसिमको प्रतिवद्धता जनाउनुभएको छ । औद्योगिक क्षेत्र व्यवस्थापन कार्यालयले गरेका प्रतिवद्धताहरु पूरा गर्नुपर्नेमा पनि उहाँहरुले जोड दिनुभयो । 


मयुरधापमा औद्योगिक क्षेत्र–२ स्थापनाको तयारी भइरहेको छ । अहिलेको अवस्थामा उद्योगमैत्री वातावरण छ त ?

अहिलेको अवस्थामा चाहिँ औद्योगिकमैत्री वातावरण छैन । औद्योगिक क्षेत्रभित्र उद्योग गर्दा बत्ती र पानीको सुविधा चाहिँ मिल्छ भन्ने सबैलाई लागेको छ । तर, औद्योगिक क्षेत्रले त्यो सुविधा दिएनन् भने चाहिँ उद्योगहरु चल्न सक्दैनन् । सरकारले सबै सुविधा उपलब्ध गराएर उत्पादनमा प्रेरित नगरेसम्म उद्योगहरु राम्ररी चल्न सक्दैनन् । सरकारले उद्योगको संरक्षण गर्नुपर्छ ।


अन्त्यमा मकवानपुरमा उद्योगी व्यवसायीलाई तपाईको भन्नु केही छ कि ?

हामी मकवानपुरका सम्पूर्ण उद्योगी व्यवसायी संयम हुनुपर्छ । मजदुर र मालिकबीच विभेद ल्याउने व्यवहार गर्नुहुन्न । राज्यले तोकेअनुसारको सेवा सुविधा मजदुरलाई दिनुपर्छ । उद्योगमा हुने बन्द हड्तालको विरुद्ध लाग्नुपर्ने अवस्था छ ।




सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


आवश्यक सेवा, सुविधा राज्यले दिनुपर्छ - 2017-08-06

नवराज अर्याल (अध्यक्ष)उद्योग संघ मकवानपुर हेटौंडा औद्योगिक क्षेत्रका उद्योग संघ मकवानपुरले उद्योगी व्यवसायीहरुको हितमा के कस्तो काम गर्दै आइरहेको छ ? उद्योग संघ मकवानपुरले चाहिँ विशेष गरी यहाँको उद्योगीहरुको सुरक्षाको लागि काम गर्दै आएको छ ।

‘गुड क्याप्टेन बन्न तानाशाही बन्नैपर्छ’ - 2017-07-30

पुरनबहादुर जोशी (अध्यक्ष)रोटरी क्लब अफ मकवानपुररोटरी क्लव_ मकवानपुरमार्फत् अहिले नानी बिरुवा रोपणको काम भइरहेको छ । यो नानी विरुवा अवधारणाचाहिँ के हो ?

सबैसँग समन्वय गरेर अघि बढ्नेछौं - 2017-07-10

आरती श्रेष्ठ (सभापति)महिला उद्यमी विकास समिति, थाहानगर १) थाहानगरमा महिला उद्यमी विकास समितिले के कस्ता गतिविधिहरु गरिरहेको छ ?

‘जनताको घरजग्गा राज्यले जबर्जस्ती हडप्न मिल्दैन’ - 2017-01-16

उत्तम शर्मा ढकालसंस्थापक अध्यक्षबसोबास संरक्षण मूल समितिपूर्वअध्यक्षः म.उ.वा. संघ यतिखेर सडक दायाँबायाँ २५÷२५ मिटर भत्काउने विषयले मकवानपुर जिल्ला तातेको छ । डिभिजन सडक कार्यालयले सडक बिस्तार गर्न जारी गरेको १५ दिने सूचनाको म्याद आज सकिँदैछ ।

‘जेसीजमा लागेर समाजसेवामा आफूलाई समर्पित गराउन पाएँ’ - 2016-11-08

सुनिल अधिकारी (मूल कार्यक्रम संयोजक)२०१६ बस्तीपुर जेसीज हाँडीखोला, मकवानपुरको सबैभन्दा कान्छो जेसीज भएपनि पछिल्लो समयमा सामाजिक क्षेत्रमा क्रियाशील संस्था हो ।

जेसीजका कार्यक्रममा नौलोपन देख्न सकिन्छ - 2016-09-26

कात्तिक १७ गतेबाट २० गतेसम्म हेटौंडा जेसीजको आयोजनामा सप्ताहव्यापी कार्यक्रम हुँदैछ । हरेक वर्ष झैं यसवर्ष पनि विविध कार्यक्रमसहित जेसीज अभियानमा सक्रिय युवाहरु जिल्लाका विभिन्न स्थानमा पुग्दैछन् ।

प्रतियोगितालाई निरन्तरता दिने सोचमा छौं - 2016-09-26

युवा तथा खेलकुद समन्वय समितिको आयोजनमा कात्तिक २० गतेबाट पाँच दिन हेटौंडा उपमहानगरपालिका–२९ स्थित बस्तीपुरमा राष्ट्रिय पुरुष भलिबल प्रतियोगिताको तयारी तीब्ररुपमा अगाडि बढिरहेको छ ।

पर्यटन विकासमा सम्मेलन सहयोगी हुनेछ - 2016-09-26

जेसी जर्म श्रेष्ठ (अध्यक्ष) पालुङ जेसीज, मकवानपुर,पालुङ जेसीजको आतिथ्यमा यही भदौ १८ र १९ गते मकवानपुरको उत्तरी क्षेत्र थाहा नगरपालिकामा नेपाल जेसीजको क्षेत्र ‘ख’ सम्मेलन हुँदैछ ।


2267305 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top