Sajhakura Dainik - Sajhakura Dainik - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
तपाई, हामी, सवैकोकुरा, राष्ट्रिय दैनिक साझाकुरा
हाम्रो कुरा

स्वस्थकर खानेकुरा मात्र खाऔं


हाम्रो कुरा पटक पढिएको




चाडपर्व नजिकिएसँगै खानपिनलाई नै निकै महत्व दिएर जीवनशैली नै परिवर्तन गर्नेको जमात धेरै देख्न पाइन्छ ।

 आजभोलि पूर्णरुपमा स्वस्थ मानिस भेट्न गाह्रो छ । मानिस अस्वस्थ रहनुको प्रमुख कारण खानपिन नै हो । आफ्नो स्वास्थ्यप्रति संवेदनशील हुन नसक्दा जानी–नजानी मानिसहरुले रोग निम्त्याइरहेको पाइन्छ ।  व्यापारका नाममा जनस्वास्थ्यको कत्ति ख्याल नगरी सडकमा जथाभावी खानेकुरा बिक्रीवितरण भइरहेको छ । तर, मानवीय स्वास्थ्यमा गम्भीर असर पु¥याउने यस्ता अस्वस्थ खानेकुराको बिक्रीवितरण नियन्त्रण गर्नेतर्फ सरोकारवाला निकाय असफलप्रायः छ । विशेषगरी विद्यालय, क्याम्पस, सार्वजनिक स्थल तथा मानवीय चाप बढी हुने स्थानहरुमा यस्ता खानेकुराको निर्बाध बिक्री हुने गर्दछ । ‘स्ट्रीट फुड’का नामले चिनिने यस्ता खाद्यपदार्थ स्वास्थ्यको दृष्टिले खानयोग्य नभए पनि खुलारुपमा बिक्री हुँदै आएको छ । सडकको फुटपाथमा जथाभावी पाइने यस्ता खाद्य पदार्थको सेवनबाट झाडापखाला, टाइफाइड, जन्डिसजस्ता संक्रमणयुक्त रोग लाग्ने गर्दछ । सडकमा पाइने अखाद्य पदार्थको सेवनबाट अस्पतालहरुमा यस्ता बिरामीको चाप पनि बढेको पाइएको छ । चाडपर्वको समय होस् या अन्य समयमा पनि सडक छेउछाउमा ‘फास्ट फुड’को व्यापार राम्रोसँग फस्टाउने गरेको छ । सानो पूँजी हुने मानिसले पनि पानीपुरी, चटपटे, मम, चाट र विभिन्न प्रकारका नास्ताहरु बेचेर आफ्नो जीवन गुजारा गर्दै आएका छन् । सडकमा होस् वा रिक्सा÷ठेलामा, यस्ता अखाद्य वस्तुहरु बिक्रीवितरण हुँदै आए पनि यसलाई नियन्त्रण गर्न सरोकारवाला निकाय असफल हुँदै आएको छ । जनस्वास्थ्यको ख्यालै नगरी सार्वजनिक स्थलमा जथाभावी खानेकुरा बिक्री हुँदा पनि सम्बन्धित क्षेत्रका स्थानीय तह (नगर÷गाउँपालिका)ले रोक्ने प्रयास गरेको देखिँदैन । खाद्य प्रविधि तथा गुण नियन्त्रण विभाग तथा यसअन्तर्गत्का कार्यालयहरु, अन्य सरोकारवाला सरकारी कार्यालय एवम् उपभोक्तावादी संघसंस्था सबै मौनजस्तै बनेका छन् । हेटौंडा उपमहानगरपालिकाले फुटपाथमा व्यापार गर्नेहरुलाई बेलाबेलामा हटाउने गरे पनि प्रभावकारी हुन सकेको छैन । कतिपयले ठेलामा लिएर बिक्री गर्दै हिँड्ने गरेका कारण पनि यिनीहरुको व्यवस्थापन गर्न कठिनाई हुने गरेको छ । जनस्वास्थ्यमा असर पार्ने खानेकुरा बेच्न निरुत्साहित गर्ने प्रभावकारी काम कोही कसैबाट भएको पाइएको छैन ।अस्वस्थ खाद्य पदार्थ नियन्त्रण गर्नु भनेको सार्वजनिक स्थानमा व्यापार गरेर जीवन धान्नेहरुलाई पेसाबाटै विस्थापित गर्नु पक्कै होइन । उनीहरुलाई व्यवस्थित तरिकाले व्यापार गर्न सिकाउनु पनि हो । कतिपय यस्ता व्यापार गर्नेहरुले अज्ञानताका कारण अखाद्य पदार्थ बिक्रीवितरण गरिरहेका हुन सक्छन् । कोही जानाजान अखाद्य रङ मिसिएका र मानव स्वास्थ्यका लागि असर पार्ने पदार्थहरु मिसाएर बिक्री गर्नेहरु पनि छन् । त्यसो त, व्यवस्थित रुपमा सञ्चालित भनिएका पसलहरुमा पनि खुलेआम जनस्वास्थ्यमा असर पुग्ने खालका खाद्यपदार्थ बिक्री हुने गरेका छन् । नेपालमा खाद्य सुरक्षा र उपभोक्ता हितका निम्ति संवेदनशील हुने निकाय निष्कृयजस्तै छ । उपभोक्ता पनि आफ्नो स्वास्थ्यप्रति चासो राख्ने कमैमात्र भेटिन्छन् ।





सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


स्वस्थकर खानेकुरा मात्र खाऔं - 2018-10-14

चाडपर्व नजिकिएसँगै खानपिनलाई नै निकै महत्व दिएर जीवनशैली नै परिवर्तन गर्नेको जमात धेरै देख्न पाइन्छ ।

उपभोक्तालाई सहुलियत दिनुपर्छ - 2018-10-12

नेपालीहरुको महत्वपूर्ण चाड दशैं सुुरु भइसकेको छ । बजारमा जताततै दशैंको किनमेलको घुइँचो बढ्दै गइरहेको छ ।

सुरु भयो बडा दशैं पर्व - 2018-10-11

नेपालीमात्रको राष्ट्रिय पर्वको रुपमा लिइने बडा दशैं सुरु भएको छ । आश्विन शुक्ल प्रतिपदाको दिन बुधबार घर, शक्तिपीठ तथा विभिन्न ठाउँमा सामूहिक घटस्थापनासँगै जमरा राखेर बडा दशैं पर्व सुरु गरिएको छ ।

सडक दुर्घटनाप्रति सचेत बनौं - 2018-10-10

आज (बुधबार)बाट दशैं सुरु भएको छ । दशैं नेपालीहरुको सबैभन्दा ठूलो चाड हो ।

अख्तियारप्रतिको विश्वास - 2018-10-07

लामो समयको अलमलपछि अख्तियार दुरुपयोग अनुसन्धान आयोगले अध्यक्ष पाएको छ । विगतमा कतिपय पदाधिकारीको नैतिकता र कार्यशैलीका कारण विवादित बनेको अख्तियारले नेतृत्व पाएसँगै यसप्रतिको नागरिकको अपेक्षा बढेको छ ।

चार्डपर्व र खाद्य मिसावट - 2018-10-05

हाम्रा चाडपर्वहरु यतिबेला विस्तारै घरआ“गनमा भित्रिने क्रममा छन् । नेपाली हिन्दूहरुको ठूला चाडपर्वहरु दशैं र तिहार हाम्रो घरआँगनमा विस्तारै भित्रिने क्रममा छन् । चाडपर्वको आगमनस“गै बजारमा किनमेल गर्नेको घुइँचो नै लाग्दछ ।

तरकारीको मूल्य तोक्नु आवश्यक - 2018-10-04

पछिल्लो केही समयदेखि बजारमा तरकारीको मूल्य आकाशिँदै गएको छ । करिब एक महिनाअघि तरकारीमा मध्यस्थकर्ताले गर्दै आएको सिण्डिकेट रोक्न भनेर सरकारी पदाधिकारीहरु जुर्मुराएका थिए ।

गुणस्तरमा ध्यान दिऔं - 2018-10-03

नेपालीहरुको महत्वपूर्ण चाड दशैं नजिकिँदै छ । बजारमा दशैं किनमेलको चहलपहल सुरु भइसकेको छ। दशैंलगत्तै तिहार पर्वको चहलपहल सुरु हुन्छ । धेरै नेपालीहरुमा दशैं र तिहारले विशेष महत्व पाउने गरेको छ।

ज्येष्ठ नागरिकको अनुभव साटौं - 2018-10-02

‘ज्येष्ठ नागरिक अधिकार अभियन्ताको अभिनन्दन गरौं’ भन्ने मूल नाराका साथ २८ औं विश्व ज्येष्ठ नागरिक दिवस नेपालमा पनि विभिन्न कार्यक्रम गरी मनाइएको छ ।


2356028 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top