Sajhakura Dainik - Sajhakura Dainik - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
तपाई, हामी, सवैकोकुरा, राष्ट्रिय दैनिक साझाकुरा
खेलकुद

मकवानपुर गोल्डकप फूटबल प्रतियोगिता सुरु उद्घाटन खेलमा मकवानपुर–११ बिजयी


खेलकुद पटक पढिएको




हेटौंडा÷ दोस्रो संस्करणको भूगर्भ सिमेन्ट सहिद स्मृति राष्ट्रिय फुटबल प्रतियोगिता–२०७५ को उद्घाटन खेलमा आयोजक मकवानपुर–११ ले विजयी सुरुवात गरेको छ ।

हेटौंडा–१० स्थित वनविज्ञान खेल मैदानमा जारी प्रतियोगिताको उद्घाटन खेलमा आयोजक मकवानपुरले मच्छिन्द्र क्लबको चुनौती २–१ गोलअन्तरले पन्छाउँदै सेमिफाइनलको यात्रा तयर गरेको हो । मकवानपुरको जितमा दुई गोल अफ्रिकनमूलक खेलाडी काजिमले गरेका थिए । पराजित मन्छिन्द्रको तर्फबाट एक गोल अफ्रिकन खेलाडी मोमिया मोहम्मदले गरेका थिए । खेलमा अग्रता भने मच्छिन्द्रले लिएको थियो । मच्छिन्द्रको तर्फबाट मोमिया मोहम्मदले हेडमार्फत् गोलको खाता खोलेका थिए । उनले १६ औं मिनेटमा अजित गुरुङको क्रसमा हेड गोल गरेका थिए । खेलको ३० औं मिनेटमा काजिमले मकवानपुरको तर्फबाट गोल गर्दै खेललाई बराबरीमा ल्याएका थिए । उनले सिक्स यार्ड बक्सभित्रबाट रेजिन सुव्बाले उपलब्ध गराएको बललाई गोलमा परिणत गरेका थिए । पहिलो हाफ् १–१ गोलको बराबरीमा टुंगिएपछि दोस्रो हाफमा आयोजक मच्छिन्द्रमाथि हावी भएको थियो । खेलको ६३ औं मिनेटमा काजिमले मकवानपुरका लागि निर्णायक गोल गरेका थिए । उनले वान भर्सेज वानको अवस्थामा मन्छिन्द्रका गोलरक्षक सुजित गुरुङ अगाडि बढेको अवस्थमा फिल्क गर्दै सुन्दर गोल गरे ।  खेलको ६० औं मिनेटमा काजिमले वान भर्सेज वानको अवस्थमा रहेको बलको सुन्दर बचावट गरेका थिए । काजिम खेलको म्यान अफ दी म्याच समेत घोषित भए । उनले नगद दशहजार रुपियाँ हात पारे । खेलेको ५६ औं मिनेटमा मकवानपुरले डिबक्स बाहिरबाट मनोज विष्टले प्रहार गरेको फ्रिक्किलाई मच्छिन्द्रका डिफेन्डर सारिस एनिफोसले हेड गर्दै बचाएका थिए । खेलको अन्त्यतिर मकवानपुरका गोलरक्षक अशोक बरालले मन्छिन्द्रका खेलाडीहरुले प्रहार गरेको केही आकर्षक सटहरु रोकेका थिए । खेलपश्चात् मकवानपुरका प्रशिक्षक विजयलाल श्रेष्ठ टिम सेटमा नियमित प्रशिक्षण नहुँदा भनेजस्तो खेल्न नसकेको बताए । उनले यस्तै शैलीमा खेले सेमिफाइनलमा जित्न गाह्रो हुने बताउँदै खेलाडीलाई सोही अनुसार प्रशिक्षण गराउने र रणनीति तयार गर्ने बताए । मच्छिन्द्रका प्रशिक्षक निशान श्रेष्ठले आफ्नो मुख्य डिफेन्डर घाइते भएपछि खेलमा लिएको अग्रता समेत जोगाउन नसकेको बताए । उनले अग्रता लिएपनि जित दर्ता गराउन नपाउँदा हेटौंडा यात्रा पहिलो खेलबाटै सकिएको बताए ।प्रतियोगिताअन्तर्गत् शुक्रबार सशस्त्र प्रहरीको एपीएफ र हिमालयन शेर्पाबीच खेल हुनेछ । प्रतियोगिता उद्घाटन ३ नम्बर प्रदेशका मुख्यमन्त्री डोरमणि पौडेलले गरेका थिए । प्रतियोगितामा आठवटा ए डिभिजन टोलीसहित दश टोलीको सहभागिता रहेको छ । प्रतियोगिता फाइनल चैत १६ गते शनिबार हुनेछ  । प्रतियोगिताको विजेताले नगद आठलाख रुपियाँ र उपविजेताले नगद चारलाख रुपियाँ प्राप्त गर्नेछ ।जिल्ला फुटबल संघ मकवानपुरको आयोजनामा जारी प्रतियोगिताको उद्घाटन समारोहमा अध्यक्ष टिकाराम लामाको सभाध्यक्षतामा भएको थियो । उद्घाटन समारोहमा राष्ट्रिय सभासदस्य रामचन्द्र राई, ३ नम्बर प्रदेश प्रमुख प्रतिपक्ष दल नेपाली काँग्रेसका संसदीय दलका नेता इन्द्रबहादुर बानियाँ, हेटौंडा उपमहानगरपालिकाका मेयर हबिबोल महत, जिल्ला खेलकुद विकास समिति मकवानपुर अध्यक्ष माधव तिमल्सिना, बागमती गाउँपालिका अध्यक्ष सर्केश घलान, शिक्षासेवी पुरणबहादुर जोशी, प्रतियोगिता संयोजक प्रताप विष्ट, हेटौंडा उपमहानगरपालिका–५ नम्बर वडा अध्यक्ष राजेश बानियाँलगायतले मन्तव्य व्यक्त गरेका थिए ।





सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


मकवानपुर गोल्डकप फूटबल प्रतियोगिता सुरु उद्घाटन खेलमा मकवानपुर–११ बिजयी - 2019-03-22

हेटौंडा÷ दोस्रो संस्करणको भूगर्भ सिमेन्ट सहिद स्मृति राष्ट्रिय फुटबल प्रतियोगिता–२०७५ को उद्घाटन खेलमा आयोजक मकवानपुर–११ ले विजयी सुरुवात गरेको छ ।

हेटौंडा गोल्डकपमा दश टोली, विजेताले आठ लाख पाउने - 2019-03-19

हेटौंडा, ४ चैत÷यसै साताबाट सुरु हुने दोस्रो भूगर्भ सिमेन्ट शहीद स्मृति राष्ट्रिय फुटबल प्रतियोगिता–२०७५ मा दश टोली सहभागी हुने भएको छ ।

फराकिलो जितसँगै मकवानपुर सेमिफाइनलमा प्रवेश - 2019-03-11

हेटौंडा÷चितवनमाथि फराकिलो जित दर्ता गर्दै मकवानपुर आठौं राष्ट्रिय खेलकुद प्रतियोगिताअन्तर्गत् प्रदेशस्तरीय छनौटको सेमिफाइनलमा प्रवेश गरेको छ ।

हेटौंडा गोल्डकपको मिति एकसाता स¥यो - 2019-03-04

हेटौंडा÷ फागुन अन्तिम साताबाट हेटौंडामा हुने भनिएको राष्ट्रिय फुटबल प्रतियोगिताको मिति सरेको छ ।

उपमेयर कपको सेमिफाइनल समीकरण पूरा - 2019-02-13

हेटौंडा÷हेटौंडामा जारी प्रथम उपमेयर कप पुरुष तथा महिला भलिबल प्रतियोगिता–२०७५ को सेमिफाइनल समीकरण पूरा भएको छ ।

४ नम्बर वडाले जित्यो बकैया गोल्डकप - 2019-02-10

हेटौंडा÷बकैया गाउँपालिका रनिङ शिल्ड फुटबल प्रतियोगिताको उपाधि वडा नम्बर–४ ले जितेको छ ।

चितवनमा अन्तर्राष्ट्रिय क्रिकेट रंगशाला - 2019-01-31

चितवन÷ धुर्मुस सुन्तली फाउन्डेसनले चितवनमा अन्तर्राष्ट्रिय क्रिकेट रंगशाला निर्माणको घोषणा गरेको छ । फाउन्डेसन र भरतपुर महानगरबीच रंगशाला निर्माणका लागि जग्गा प्राप्तिसम्वन्धी सम्झौता भएको छ ।

ग्रामीण पर्यटन प्रवद्र्धन गर्न साइकल यात्रा - 2019-01-27

हेटौंडा, १२ माघ÷ मकवानपुरको पूर्वी क्षेत्रस्थित बागमती गाउँपालिकाको पर्यटन पर्वद्धनको लागि भन्दै मकवानपुरे साइकलयात्रीहरु एकजुट भएका छन् ।

साविक विजेता आर्मी उपाधि रक्षा होडमा - 2019-01-24

सिमरा÷ आयोजक नवजनजागृती युवा क्लब सिमरालाई १–० ले हराउँदै साविक विजेता त्रिभूवन आर्मी रुस्लान दशौं सिमरा गोल्डकपको उपाधि रक्षा गर्ने होडमा उभिएको छ ।


2436344 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top