Sajhakura Dainik - Sajhakura Dainik - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology
तपाई, हामी, सवैकोकुरा, राष्ट्रिय दैनिक साझाकुरा
मनोरञ्जन

बुद्धि तामाङको वृद्ध अनुभव


मनोरञ्जन पटक पढिएको


बुद्धि तामाङको वृद्ध अनुभव


बुद्धि तामाङ पछिल्लो समयका निकै चर्चित हास्य कलाकारमध्येका एक हुन् । हास्य टेलिचलचित्र मेरी बास्सैबाट दर्शकमा चिनिएका उनी अहिले ठूलो पर्दामा व्यस्त छन् ।

 एकपछि अर्को चलचित्रमा व्यस्त हुँदै गएका बुद्धि महंगो पारिश्रमिक लिने हास्य कलाकारमध्येका एक हुन् । उनले २०६२ सालमा डबली थिएटरबाट नाट्ययात्रा सुरु गरेका थिए । डबली थिएटरमै रहेर उनले आफ्नो अभिनय कौशलतालाई अघि बढाएका थिए । उनी त्यस समय सडक नाटकमा निकै व्यस्त मानिन्थे । डबली थिएटरमा रहेर करिब ४ वर्ष काम गरेपछि एक्टर्स स्टुडियोमा काम सुरु गरे र आफ्नो अभिनय यात्रा अघि बढाए । बुद्धि तामाङ अनुप बरालका विद्यार्थी हुन् । उनले अनुप बरालसँग अभिनयको तीन महिने प्रशिक्षण लिएका थिए । तीन महिनाको तालिम लिएपश्चात् उनको अभिनय यात्रामा पहिले भन्दा निखारता आउन थाल्यो । तालिम लिइसकेपश्चात् उनले अभिनय गरेको पहिलो नाटक ‘मलामी’ हो । ‘मलामी’ प्रोसिनियम थिएटरमा काम गर्न थालेपश्चातको  पनि पहिलो नाटक थियो । ‘मलामी’ नामक नाटकमा उनले ६५ वर्षका वृद्धको भूमिका निर्वाह गरेका थिए । यो उनको पहिलो अनुभव थियो । सुरुमा त उनलाई नसक्ने पो हो कि भन्ने पनि लागेको थियो । त्यस नाटकका निम्ति उनले वृद्ध मानिसको हाउभाउ शैलीलाई अभिनयमा उतार्नु पर्ने थियो ।  उनीहरुको हिँड्ने, खाने, बोल्ने, बस्नेलगायतका कुराहरुलाई नाटकमा उतार्नु निकै चुनौती थियो । सुरुमा त आँट गर्न सकेनन्, तर पछि हट्ने पनि उनलाई मन थिएन । अन्ततः उनले त्यो नाटकमा काम गर्ने निर्णय गरे । त्यसका निम्ति उनी सडक बाटोमा हिँड्ने, डुल्ने गरेका बृद्ध मानिसहरुको हाउभाउ नियाल्न थाले । दिनभरी सडकमा गएर वृद्ध मानिस खोज्थे र उनीहरुको व्यवहार नियाल्थे । विस्तारै उनले वृद्ध मानिसहरुसँग सम्बन्ध बढाउन थाले । पहिले भक्तपुर बसोबास गर्ने भएका कारण त्यस ठाउँका वृद्धहरुसँग नजिक हुन उनलाई केही सहज पनि भयो । उनी दैनिकरुपमा भक्तपुरको पाँचतले नजिकै जान्थे र दिनभरी त्यहीँका बृद्धबृद्धाहरुसँग बस्थे, उनीहरुको जीवनशैलीलाई नियाल्थे र बेलुका घरमा आएर त्यही कुरालाई अभिनयमा उतार्ने प्रयास गर्थे । उनका हजुरबुवाको स्वर्गवास भइसकेको थियो तर हजुरबुवाले उनीसँग गर्ने गरेको व्यवहार, उहाँको हाउभाउ उनको दिमागमा ताजै थियो । त्यससँगै दिनभरी भेट भएका ज्येष्ठ नागरिकलाई सम्झिन्थे । उनीहरुको बोल्ने, हिँड्ने, खाने सबै कुरालाई सम्झिन्थे र त्यही कुरालाई अभिनयमा उतार्ने प्रयास गर्थे । केही समयपछि उनले त्यो नाटकलाई प्रस्तुत गर्ने समय आयो । थोरै डर अनि  धेरै साहस बोकेर स्टेजमा प्रस्तुत भए । पहिलो शोबाट नै उनले गरेको अभिनयको चौतर्फी तारिफ भयो । सो अभिनयका कारण सबैबाट प्रशंसा पाए । उनले आफ्नो अभिनय यात्राको टर्निङ पोइन्ट नै यही नाटकलाई मान्ने गरेका छन् ।





सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


बुद्धि तामाङको वृद्ध अनुभव - 2018-11-06

बुद्धि तामाङ पछिल्लो समयका निकै चर्चित हास्य कलाकारमध्येका एक हुन् । हास्य टेलिचलचित्र मेरी बास्सैबाट दर्शकमा चिनिएका उनी अहिले ठूलो पर्दामा व्यस्त छन् ।

पाँच शहरबाट ‘बुलबुल’को गीत सार्वजनिक गरिने - 2018-10-31

फागुन ३ गतेबाट प्रदर्शनमा आउन लागेको चलचित्र ‘बुलबुल’को फरक शैलीमा गीत रिलिज गर्न लागिएको छ ।

फाप्ला त स्वस्तिमालाई टेम्पो ? - 2018-10-30

पछिल्लो समयका व्यस्त नायिकाहरुमध्येकी एक हुन् स्वस्तिमा खड्का । पछिल्लो समय उनी अभिनित चलचित्रहरु प्रदर्शनमा त आइरहेका छन् नै ।

‘छक्का पञ्जा ३’ले ‘छक्का पञ्जा’को रेकर्ड ब्रेक गरेको दावी - 2018-10-29

दशैंको घटस्थापनाबाट रिलिज भएको चलचित्र ‘छक्का पञ्जा ३’ नेपाली चलचित्रको इतिहासमै सर्वाधिक ग्रस कलेक्शन गर्ने चलचित्र बनेको छ ।

फिल्म समीक्षाः छक्का पञ्जा ३ - 2018-10-14

नेपाली चलचित्र जगतमा ‘छक्का पञ्जा’ यस्तो ब्रान्ड बनेको छ, जसले रिलिजपूर्व नै सानोतिनो तड्ड पैदा गर्छ ।

टोलस्तरीय फुटबल प्रतियोगिताको उपाधी बंशगोपालले जित्यो - 2018-10-13

हेटौंडा÷ स्वर्गीय राजु सापकोटाको स्मृतिमा हेटौडा–६ चौघडामा रहेको बंशगोपाल माविको खेल मैदानमा भएको एट ए साईड फुटबल प्रतियोगिताको उपाधि बंशगोपाल युवा क्लव बी पुतलीबजार विजयी भएको छ ।

कति कमाउला ‘छक्का पञ्जा–३’ले ? - 2018-10-12

दीपाश्री निरौला निर्देशित चलचित्र ‘छक्का पञ्जा–३’ बुधबारबाट रिलिज भएको छ ।

फ्राइडे रिलिजमा तीन नेपाली फिल्म - 2018-09-29

यो साता प्रदर्शनमा तीन नेपाली फिल्म छन् । ‘कथा काठमाडौं’, ‘अनुराग’ र ‘छिरिङ’ प्रदर्शनमा आएका फिल्महरु हुन् ।

‘रोज’ र ‘रामकहानी’ देशैभर हाउसफुल - 2018-09-09

शुक्रबारबाट दुई मल्टिस्टारर फिल्म ‘रोज’ र ‘रामकहानी’ले एकसाथ प्रदर्शन आरम्भ गरेका छन् ।


2366947 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top